Қарағандыда ҚТЖ басшылығының өңірдің ірі жүк жөнелтушілерімен жұмыс кездесуі өтті

Қарағанды бөлімшесі — Қазақстанның теміржол желісі үшін стратегиялық маңызды торап. Мұнда жыл сайын шамамен 50 млн тонна жүк немесе ҚТЖ барлық тиеуінің бестен бір бөлігі жинақталады.

Биылғы жылдың 9 айында Қарағанды бөлімшесінің кәсіпорындарымен 36 млн тоннадан астам жүк жөнелтілді, бұл өткен жылдың сәйкес кезеңімен салыстырғанда 3% жоғары. Жөнелтілімдердің негізгі үлесі — 55% - көмір өнімдерін тасымалдауға тиесілі. Құрылыс жүктерін тасымалдау 3 есеге, түсті кенді тасымалдау 36%, түсті және қара металдарды тасымалдау 13% және 5% өсті.

Қарағанды өңірі теміржол кәсіпорындарының басшыларымен ағымдағы өндірістік міндеттер, бөлімшенің жоспарлары, әлеуметтік маңызы бар жүктерді тасымалдау, шаруашылықтарды қысқа дайындау тораптық кеңесте талқыланды.

ҚТЖ басшылығы желідегі Қарағанды бағыты ең ауыр жүктемесі ауырлардың бірі болып табылатынын алға тарта отырып, индустриялық өңірдің жүктерін үздіксіз тасымалдауды қамтамасыз етудің маңыздылығын атап өтті.

Пойыздар қозғалысы қауіпсіздігін қамтамасыз ету бойынша жұмысты күшейту және еңбек жағдайлары мен еңбекті қорғау мәселелеріне назар аудару тапсырылды.

Қарағанды торабы теміржол кәсіпорындарының қызметкерлерімен кездесуде ҚТЖ басшылығы сала ардагерлері мен үздік қызметкерлерге марапаттар табыс етті.

Компания басшылығы ҚТЖ желісіндегі ең маңызды учаскелердің бірінің теміржолшыларына алғыс білдіріп, әрбір қызметкер жұмысының маңыздылығы мен құндылығын атап өтті.